Өнөөдөр элсэлтийн шалгалт эхэлнэ

Ерөнхий боловсролын дунд сургуулийн XI ангийн сурагчдын элсэлтийн ерөнхий шалгалт өнөөдрөөс эхлэх гэж байна.

Энэ жил нийт 43800 сурагч элсэлтийн шалгалтад орох ажээ.

БШУЯ-ны харъяа Боловсролын үнэлгээний төв элсэгчдийг 52 шалгалтын байранд хуваарилан, шалгалт авах бэлтгэлийг бүрэн хангаж дууссан байна.

Сурагчид шалгалтад орохоор ирэхдээ бүртгэлийн хуудас, шар хуудас, бүрэн дунд боловсролын гэрчилгээ, иргэний үнэмлэх зэргийг бүрдүүлэх шаардлагатай аж. Харин иргэний үнэмлэх авах нас нь болоогүй сурагчид суралцаж буй сургууль болон харьяа хороо, дүүргийн Засаг даргын тодорхойлолт авах шаардлагатай аж.

Түүнчлэн бүртгэлийн хуудас нь тамга дарж, гарын үсэг зурж баталгаажсан байх шаардлагатай аж.