Дүнжингарав албан ёсоор өнөөдөр нээгдэнэ

 Дүнжингарав худалдааны төвийн албан ёсны нээлт өнөөдөр 06 сарын 11-ний Балжинням, Дашням давхцсан билэгт сайн өдөр морь цагт буюу 11.45 минутаас болох гэж байна. Нээлтийн үйл ажиллагааны үеэр нийт түрээслэгч нартаа зориулан 1008 лам “Хишигбуяны даллага” авахуулах “Баяннамсрай” ном хурж, орой 19.00 цагаас “Хурд” хамтлагийн сэтгэл зүрхэнд хоногшсон шилдэг уран бүтээлүүд эгшиглэж мөн Татар, Киви хамтлагуудын оролцсон гадаа талбайн шоу тоглолт болно. Дүнжингарав худалдааны төвийн албан ёсны төвийн нээлтэнд нийт түрээслэгч та бүхнийг хүрэлцэн ирж худалдааны наймаандаа ашиг орлого нэмэгдүүлэх даллага авахуулж, нийт худалдан авагч та бүхнийг гадаа талбайд болох Хурд, Татар, Киви хамтлагуудын шоу тоглолтыг үзэж нэг оройг Дүнжингарав худалдааны төвийн нээлтийн гайхамшигтай гадаа талбайн шоу тоглолттой хамт өнгөрөөхийг урьж байна. “Цэргийн бодол”, “Аавдаа би хайртай”, “Нуламсаа тэвчье”, “Зураг шиг бүсгүй” зэрэг хуучны гайхалтай аялгуут сайхан бүтээлүүдийг хайртай хамтлагтайгаа хамт дуулж, тэд та бүхэнд сүүлийн үед аваагүй хамгийн сайхан мэдрэмжийг хамгийн ойроос амьдаар хүргэх болно.