Дэлхийн хамгийн үнэтэй гэр автобус

Лондон хоёр давхар улаан автобусаараа алдартай. Энэ нь хотыг дэлхийд сурталчлах брэнд болсон байдаг. Тэгвэл Арабын баячууд хоёр давхар хэрнээ маш тансаг гэр автобусаар гангарах боломжтой болжээ.

Энэ бол “eleMMent Palazzo” хэмээх гэр автобус юм. “Marchi Mobile” компанийн мэдэгдсэнээр уг гэр автобус нь 2 сая фунт стерлингийн (3.1 сая ам.доллар) үнэтэйгээр удахгүй Дубай хотод худалдаанд гарах гэж буй аж.

Компанийн төлөөлөгч ярихдаа “Бид Арабын баячуудын хэрэгцээнд зориулж гэр автобусыг үйлдвэрлэсэн. Ингэхдээ өнгө, загварын хувьд өөр сонголттой. Бизнесийн түншүүд аялал, зугаалгаар явахад илүү тухтай байх болно” гэжээ.

Түүний ярьснаар “eleMMent Palazzo”-ийн зарим хэсгийн оруулгыг алтаар бүрсэн байна. Мөн гал тогоо, унтлагын өрөө, тохь тухтай тансаг савхин суудал болон 40 инчийн зурагттай.

“eleMMent Palazzo” нь “Marchi Mobile”-ийн үйлдвэрлэдэг “eleMMent” цувралын хамгийн шилдэг загвар болсон гэж компанийн төлөөлөгч онцолжээ.