Хөөмэйчид Япон дуугаар өрсөлдөнө

ЮНЕСКО-д соёлын биет бус өвөөр бүртгэгдсэн хөөмэйн урлагийг дэмжих, Монголын ард түмэнд Япон дууг түгээн дэлгэрүүлэх зорилготой Япон дууны уралдааныг “Эндо Минорү”, “Цэндийн Батчулуун” сан хамтран зохион байгуулахаар болжээ.

Хөөмэйчдийн хувьд ардын урлагаа сурталчлахын зэрэгцээ дэлхийн сонгодог бүтээлүүдийг ч олны хүртээл болгодог. Нэг орны дууг хөөмэйлэхийг санал болгож буй нь уран бүтээлчдийн авьяасыг хөгжүүлэх, арлын Японд хөөмэйн урлагийг сурталчлахад чухал нөлөө үзүүлнэ хэмээн зохион байгуулагчид нь үзэж байна.  Уралдаан ирэх наймдугаар сарын 8-нд болох бөгөөд бүртгэлийг энэ сарын 1-нээс долдугаар сарын 15-ны өдөр хүртэл Улсын филармонийн байранд явуулах юм.

Ж.Болор

МОНЦАМЭ