“Чингис хаан” олон улсын нисэх буудал oлонх нислэгийг цуцалжээ

Цаг агаарын тааламжгүй нөхцөл байдлаас шалтгаалан өнөөдөр “Чингис хаан” олон улсын нисэх буудалд буух, хөөрөх хуваарьтай байсан нислэгүүдийн дийлэнх нь цуцлагджээ.

Тухайлбал, 19.30 цагт нисэх хуваарьтай Улаанбаатар-Эрхүү чиглэлийн нислэг, 23.55 цагийн Улаанбаатар-Сөүл чиглэлийн нислэг 24 цагаар саатсан байна. Мөн Улаанбаатарт буух хуваарьтай Токио-Улаанбаатар, Хөх хот-Улаанбаатар, Хонконг-Улаанбаатар, Чежү-Улаанбаатар, Сөүл-Улаанбаатар, Эрхүү-Улаанбаатар чиглэлийн олон улсын нислэгүүд, мөн Доной-Улаанбаатар, Чойбалсан-Улаанбаатар, Даланзадгад-Улаанбаатар чиглэлийн орон нутгийн нислэгийг цуцалжээ.

Ус, цаг уур, орчны шинжилгээний газрын мэдээгээр өнөө шөнө Булган, Сэлэнгэ, Төв, Орхон аймаг болон Улаанбаатар хот орчмоор хөрсөн дээрээ хасах таван хэм хүртэл цочир хүйтэрч, цас, бороо орохыг анхаарууллаа.

Я.Баяр

montsame