Цалингаа нэмүүлэхээр “Петро Чайна” компанийн ажилчид ажил хаяжээ

 Дорнод аймагт газрын тос олборлодог “Петро Чайна” компанийн монгол ажилчид өнөөдрөөс эхлэн ажил хаялт зарлажээ. Тус компанийн ажилчид цалин хөлсөө нэмүүлэх, ажлын хоногоо багасгах хүсэлт удаа дараа тавьсан ч удирдлагууд нь анхаарал хандуулаагүй гэх шалтгаанаар ийнхүү ажил хаясан байна.

“Петро Чайна” компанийн монгол ажилчдын цалин “Оюутолгой”-н ажиллагсадтай харьцуулахад маш доогуур тул зайлшгүй нэмэх шаардлагатай хэмээн үзжээ. Тус компани өдөрт 4000-5000 баррель түүхий газрын тос урд хөрш рүү гаргадаг байна. “Петро Чайна” компанийн монгол ажилчид 40 хоногт 300-400 ам.долларын цалин авдаг аж.

Б.Заяа

МОНЦАМЭ