”Universe Best Songs-2013”-ийн ялагч маргааш тодорно

“UBS” телевиз таван жилийн өмнөөс “Universe-Best songs” уралдааныг анх зохион байгуулж байсан билээ. Уг наадмаас олон залуус уран бүтээлийн гараагаа эхэлж байсан бол өнөө жилийн наадмын шилдгүүд тодрох торгон мөч хаяанд иржээ. Уг наадмын онцлог нь дэлхийн шилдэг гэгдэх бүхий л дууг оролцогчид өөр өөрсдийнхөөрөө үзэгчдийн хүртээл болгодог билээ. Тэгвэл өнөө жилийн уралдаан “Хайрлая, хүндлэе, инээмсэглэе” уриан дор явагдсан юм. Хэдхэн хоногийн өмнө “Universe Best Songs-2013″ наадмын шилдэг 16 оролцогч тодроод байсан. Тэд эхний хамтарсан уран бүтээл болох  “What a wonderful world”-ийг шинэлэг хэлбэрээр үзэгчдийн хүртээл болгосон юм. Дөрвөн сарын турш үзэгчдийг телевизийн өмнөөс холдуулаагүй уг тэмцээний шилдэг оролцогчид өнөө орой “UB palace”-т гала тоглолтоо хийх юм. Харин гран при шагналтан тодруулах ёслолын ажиллагаа маргааш нь болно. Энэ жил ямар уран бүтээлч “Universe Best Songs”-ын тав дахь ялагч болох вэ гэсэн асуулт одоо хэр нь нууц хэвээр байна.