Гиннесийн дээд амжилтууд – 2013

“Гиннесийн дээд амжилтын ном” бол одоо үед хамгийн хүртээлтэй, алдартай хүн төрөлхтөний агуу чадваруудын талаарх нэвтэрхий толь юм. Энэ ном дэлхийн олон хэл дээр хэвлэгдэн гардаг бөгөөд эрэлт ихтэй байдаг. Ингээд 2013 оны хамгийн сүүлийн үеийн дээд амжилтуудыг сонирхоно уу?

1. Хамгийн хүнд жинтэй тамирчин эмэгтэй
Лондоны оршин суугч Шарран Александр дэлхийн хамгийн хүнд жинтэй тамирчин эмэгтэй гэнэ. Түүний жин 203,21 кг. Үүнийхээ ачаар тэр Сумо бөхөөр тун амжилттай барилдаж байгаа аж.

2. Хамгийн өндөр настай гимнастикч

Залуугаасаа спортоор хичээллэж, амжилт гаргасан тамирчид нас хэвийх үедээ эрүүл чийрэг байдлаараа гайхуулах нь бий. Харин Германы иргэн 86 нас хүрсэн ч гимнастикийн төрлийн тэмцээн уралдаануудад хүч үзсээр байна.

3. Барби хүүхэлдэй хамгийн их цуглуулга
52 настай нэгэн эмэгтэйд барби хүүхэлдэйн хамгийн их цуглуулга хадгалагдаж байдаг аж. Тэрээр цуглуулгаа 1993 оноос эхэлсэн бөгөөд одоогийн байдлаар 15 мянга орчимд хүрээд байгаа гэнэ.

4. Хамгийн өндөр нохой
Зевс нэртэй америкд амьдардаг нохой 1,12 метр өндөр биетэй ажээ.

5. Хамгийн өндөр морь
Харин хамгийн өндөр биетэй морийг “Том Жек” гэдэг. Тэр 210,19 см өндөр гэнэ.

6. Хамгийн өндөр илжиг
Илжиг гэхээр л намхан нуруутай, доожоогүй төрхтэй амьтан санаанд буудаг. Гэтэл мөн л америкт байдаг Зевс нэртэй илжиг 155,45 см өндөр нуруугаараа энэ төсөөллийг эвдэж чаджээ.

7. Хамгийн бяцхан бух
Хойд Ирландын Арчи нэрт бух төрөл нэгтнүүддээ ихэд атаархаж, жижигхэн төрсөн хувь заяандаа гутарч явдаг сурагтай. Түүний өндөр ердөө 76,2 см аж.

8. Хамгийн том хот-дог
Хэрэв та аймаар өлсч байгаа бол хэдий хэр хэмжээний хот-догонд цадах бол. Харин Гиннесийн дээд амжилтыг эвдсэн хот-дог 3,2 кг жинтэй, 41 см урттай юм байна.

9. Хамгийн залуу мэргэжлийн бөмбөрчин
Мэргэжлээрээ ажилладаг хамгийн залуу бөмбөрчин Америкт амьдардаг. Тэр 2004 оны тавдугаар сарын 14-нд төрсөн.

10. Хамгийн том өөрөө буулгагч техник
Америк дэлхийн дээд амжилтуудын буухиаг үргэлжлүүлсээр байна. Энэ удаад “Westech T282C” хамгийн том өөрөө буулгагч техникээр тодорлоо. Тэрээр нэг удаагийнхаараа 470 кубметр нүүрс тээвэрлэх чадвартай.

11. Хамгийн хурдан хонь
Хамгийн хурдан хонь Англид бүртгэгдсэн бөгөөд тэрээр 179 тэмцээнд оролцож, 165 түрүү авсан амжилтаар Гиннесийн дээд амжилтыг тогтоож чаджээ.

12. Хамгийн бяцхан хүмүүс
Энэтхэгийн оюутан Жиоти Амге 62,8 см өндөртэйгээр дэлхийн хамгийн намхан эмэгтэйгээр тодорсон бол Непалын иргэн 72 настай Чандра Бахадур Дангид хамгийн намхан эр гэсэн титэм зүй ёсоор оногддог. Түүний өндөр 54,6 см ажээ.