2013 оны дэлхийн хамгийн нөлөө бүхий хүмүүс

Дэлхийн алдарт Time сэтгүүлээс 2013 оны дэлхийн хамгийн нэр нөлөө бүхий хүмүүсийн нэрсийн жагсаалтыг гаргасан байна.

АНУ-ын 7 хоног тутмын мэдээ мэдээллийн шилдэг сэтгүүл болох Time сэтгүүл нь 1923 онд Хэнри Люс хэмээх хүн анх үндэслэн байгуулсан аж. 2006 оны 5-р сард Ричард Стэнгел албан ёсоор тус сэтгүүлийг эрхлэн гаргах хүндтэй албыг өвлөн авсан бөгөөд Time сэтгүүл дэлхий дахинд хамгийн ихээр борлогддог сэтгүүлийн нэг билээ.

АНУ-д гэхэд 20-25 сая уншигчидтай аж.  Ингээд 2013 оны дэлхийд хамгийн нэр нөлөө бүхий дуучид, уран бүтээлч, удирдагчаар хэн хэн тодорсныг хамтдаа сонирохцгооё!

АНУ-ын алдарт реппер, хөгжмийн продюсер Jay Z (Жэй З) 1969 оны 12-р сарын 4-ны өдөр АНУ-ын Нью-Йорк хотын Бруклин дүүрэгт төржээ.

БНХАУ-ын төрийн тэргүүн, Хятадын коммунист намын ерөнхий нарийн бичгийн дарга, бүх цэргийн ерөнхий командлагч Ши Жин Пин (Xi JinPing)  1953 оны 6-р сарын 15-ны өдөр Бээжин хотод мэндэлсэн билээ. Мөн энэхүү жагсаалтанд түүний гэргий хүртэл багтаж чаджээ.

Malala Yousafai (Малала Юсафзай) нь 1997 оны 7-р сарын 12-нд төрсөн бөгөөд тэрээр түүхэн дэхь “Нобелийн Энх Тайвны” шагналд нэр дэвшсэн анхны бяцхан тэмцэгч болсон билээ.

Хойд Солонгос улсын удирдагч, дарангуйлагч Ким Жон У (Kim Jung-eun) 1984 оны 1-р сарын 8-ны өдөр Пхеньян хотод төржээ. Тэрээр Хойд Солонгосын ажилчин ангийн анхны нарийн бичгийн даргын  албыг хашиж байсан бөгөөд өдгөө бүх цэргийн ерөнхий командлагч юм.

Өмнөд Африк болон Америкт хувиараа бизнес эрхлэгч Elon Musk (Элон Муск) 1971 оны 6-р сарын 28-ны өдөр төрсөн бөгөөд тэрээр SpaceX компанийг үүсгэн байгуулж, Tesla Motor компаний ахлах дизайнерч болон PayPal компанийг эзэмшдэг билээ. Мөн тэрээр SolarCity байгууллагын ерөнхий захирлын албыг тус тус хашдаг аж.

БНХАУ-ын спортын их мастер, газрын теннис спортын дэлхийн аварга Ли На дэлхийд чансаагаараа 5-р байранд жагсдаг бөгөөд тэрээр 1982 оны 2-р сарын 26-ны өдөр Хубей мужийн Вүнханд төржээ.

Энэтхэг улсын алдарт жүжигчин, кино найруулагч Аamir Khan (Аамир Хан) 1965 оны 3-р сарын 14-ны өдөр Энэтхэг улсын Махараштра мужийн Мумбай хотод төржээ. Аамир Хан Болливудын нэрт төлөөлөгч билээ.

Холливудын алдарт жүжигчин, “Оскар” болон “Алтан бөмбөрцөг” шагналын эзэн Jennifer Lawrence(Женнифер Лоуренс) 1990 оны 8-р сарын 15-ны өдөр АНУ-ын Кентукки мужийн Луисвиллд төржээ.

АНУ-ын Кентукки мужийн сенатч, улс төрч, бүгд найрамдах намын гишүүн Rand Paul (Рэнд Пол) нь 1963 оны 1-р сарын 7-ны өдөр  Пенсильвания мужийн Питтсбург хотод төржээ.

Өмнөд Солонгос улсын анхны эмэгтэй ерөнхийлөгч Пак Гын Хе (Park Geun-hye) 1952 оны 2-р сарын 2-ны өдөр Тэгү хотод төржээ.  2012 оны 12 сарын 19-нд Бүгд Найрамдах Солонгос ард улс 18 дахь удаагийн ерөнхийлөгчөөр сонгогдсон улс төрч эмэгтэй билээ. 2013 оны 2 сарын 25-нд үүрэгт ажилаа хүлээн авсан аж. Тэрээр Өмнөд Солонгосын 1963-1979 оны ерөнхийлөгч Пак Жон-Хыины төрсөн охин бөгөөд 1998 оноос хойш өдийг хүртэл таван удаа улсын хурлын гишүүнээр сонгогдож байжээ.