Баавар хаачсан нь мэдэгдэхгүй байна

Амьдаараа боодог болсон Бааварыг хааш нь авч явав

Түүнийг өчигдөр 12:00 цагийн үед гэр бүлийнхэн нь болох  ээж,  ах, эгч нар нь ирж гаргасан бай­на. Хачирхалтай нь түү­нийг эмнэлгээс гарахад цаг­даа­гийн нэг ч алба хаагч бай­гаа­гүй аж. Тиймээс Бааварыг хааш нь авч явж байгаа нь олны анхаарлыг татаж эхэл­сэн юм.
Уг нь “Дижитал” хамт­лагийн экс ахлагч Бааварыг эмнэлгээс гарсан даруйдаа ШШГЕГ-ын харьяа Цагдан хорих 461 дүгээр ангидаа буцаад очно гэж иргэд ярьж байсан. Шуудхан хэ­лэхэд түүнийг цэрэг, цаг­даа­гаар мануулан сүр дуу­лиан­тай­гаар хорих ангид нь аваа­чих ёстой байв.
 Гэтэл эсрэгээрээ түүнийг хэнд ч хэлэлгүй, хаашаа авч явж байгаа нь тодорхойгүй эм­нэлгээс гаргасан юм.
Угтаа  энэ нь олон ний­тийн гайхширлыг төрүү­лэхээс гадна Бааварын эмнэл­гээс гарсан талаар ихэд со­­нирхож эхэлсэн.
Тэгвэл баттай эх сур­валжийн мэдээлснээр “Ди­житал” хамтлагийн экс ах­лагч Баавар гэртээ харьжээ. Түүнийг ШШГЕГ-ын харьяа Цагдан хорих 461 дүгээр ангид түлэгдэн эмнэлэгт хүргэгдэж ирснийх нь дараа нийслэлийн Прокурорын газраас батлан даалтад гар­гах тухай шийдвэрлэсэн байна.
Баавар  сар  гаруй     эмнэлэгт хэвтэж, бие нь ч сайжирсан тул эл шийд­вэрийн дагуу гэртээ харьсан аж. Түүнийг хар тамхи, мансууруулах төрлийн бо­дис хэрэглэсэн, хадгалсан гэх үндэслэлээр Эрүүгийн тухай хуулийн 192.1-ээр буруутган эрүүгийн хэрэг үүсгээд байгаа ч холбогдох хар тамхины хэргийн шүүх хурал хэзээ болох нь тодор­хойгүй байгаа юм.
Харин эх сурвалжийн мэдээлснээр тэрбээр өнөөд­рөөс эхлэн ШШГЕГ-ын харьяа Цагдан хорих 461 дүгээр ангийн сахилгын өрөөнд гарсан галтай хол­боотойгоор байцаалт өгч эхлэх бололтой.
Дашрамд дуулгахад Бааварыг эмнэлгээс гарахын өмнөх өдөр “Мөнгөн гүүр” эмнэлэгт очиход тэрбээр эмнэлгийн халаадаа тайл­чихаад, хэнээс ч айж ичсэн шинжгүй өдрийн хоолоо идэж байв. Тэр ч битгий хэл өөрийн­хөө түлэгдсэн сорвийг ха­руулж биеийн байдлаа харь­цангуй дээрдсэн талаар ярьж байсан.
Учир нь Баавар эл эм­нэлэгт хэвтэж байх хуга­цаандаа хоёр ч удаа арьс нө­хөх хагалгаанд орсон. Ту­­хайн үед эмнэлэгт удаан хэвтэх хүсэлгүй байгаа нь илт ажиглагдаж байсан юм. Харин саяхан эмч нар нь “Баавар түлэнхийн талаас ямар нэгэн гэмтэл зовиур үлдээгүй, бүрэн эдгэрсэн” хэмээн ярьж байсан.
Мөн эл эмнэлэгт хэвтэн эмчлүүлж буй өвчтөнүүдийн ярьснаар Баавар “Наад түлэгдэлт чинь юу ч биш. Намайг ямар аймар түлэгдэж ирснийг мэдэж байгаа биз дээ. Тосоо сайн түрхээд, эмчил­гээгээ хийлгэвэл дороо л босоод ирнэ” гэх зэргээр сэтгэлийг нь засдаг байсан гэнэ.