Үнэтэй машин шүтэж хуучныг нь “хазаарлая”

Хятадад цэргийн дар­га нарыг үнэтэй дээд зэрэглэлийн машин унахыг хориглосон байна. Гэхдээ зөвхөн албан ажилд унахыг хориглосон гэнэ билээ. Энэ нь ямар шалтгаантай вэ гэвэл улсын тусгай зөвшөөрөлтэй улаан тэмдэгтэй машинууд дурын эгнээгээр саадгүй яв­даг аж. Гэтэл үүнийг нь хүмүүс дуурайж хуурамчаар үйлдснээс үүдсэн гэнэ. Ха­рин манай оронд төрийн албан хаагч төрийн зүтгэлтнүүдийн УБҮ, УБЗ дугаартай машинууд ямар л бол ямар өдөр явдгийг эс тооцвол шүү дээ. Гэхдээ нэг өдөр дугаа­рын хязгаарлалтаар яв­даг. Манай сайд дарга нар болон төрийн албан хаагчид бүгд Lexus-570, 470, Land-200,100 унадаг. Тэднийг хэн ч ажлын өдөр үнэтэй машинуу­даа “битгий уна” гэж хазаарладаггүй. Учир нь Хятадыг бодвол манай нийслэл өнгө үзэмж нэмж бай­гаа хэрэг шүү дээ. Үнэтэй машин их байх тусмаа л нийслэл маань өнгөтэй, өөд­тэй харагдах учраас хятад шиг хазаарлахгүй. Хамгийн гол нь манай нийслэл иргэдээсээ их машинтай болоход тун ойрхон байгаа. Гэхдээ энэ бол эрсдэл биш харин ч сайн хэрэг. Одоо тэр хуу­чин хямдхан машинуудаа бүгдийг нь халж шинэ бас үнэтэй машин авцгаая гэж уриалмаар байна. Учир нь хятадад үнэтэй машинийг хорьж байгаа юм чинь манайд үнэтэй машин хямдаар орж ирэх боломжтой. Хэзээнээсээ ган­ган хээнцэрт дур­тай монголчуудыг хөхүүлэн дэмжих л хэрэгтэй. Сайхан машин эрийн чимэг гэдэг үгтэй ч болсон байна билээ. Гэхдээ нэг шалгуур байх хэрэгтэй тэр нь маш үнэтэй байх ёстой. Ямар ч хамаагүй өндөр үнэтэй л бол тэр машиныг ямар ч дарга нь торох юмгүй барьж болно. Үнэтэй машин барьж болно гээд дэмжчихвэл зөрөөд хямд машиныг явуулахгүй хууль гарчих байлгүй дээ. Нөгөө хэдэн хуучин машинуудыгаа явуулах газаргүй болтол нь хуульчилчихвал яана аа.  Харсан дуулснаа хэрэгжүүлэх дуртай хүмүүсийг Монгол­чууд гэдэг. Тэгвэл хөөрхий хуучин машинуудыг хазаарлаад үнэтэй, өнгөтэй нь явна гэвэл ч хэцүүхэн юм болох нь. Хуучныг нь халж үнэтэйг нь хүндэлж замаа хүртэл ялгах их ажилтай болж мэдэх л юм даа.

Э.Баясгалан