Саудын Арабт машиныг 2 дугуйн дээрээ явуулдаг моод дэлгэрчээ /Видео/

Хэдхэн жилийн өмнө Саудын аймшиггүй зоригтнуудын эх нутгийнхаа элсэн цөлийн хурдны замаар ‘гулгаж’ байх зуураа өндөр хурдтай явж байгаа машинаасаа зүүгдэн давхиж байгаа бичлэг видео шейрийн сайтад нийтлэгдсэнээр олны анхаарлыг маш ихээр татсан. Гэвч энэ нь амь наснаасаа уйдаа юу гэлтэй Араб залуусын хувьд төд удалгүй сонин биш болж, уйдсан залуучууд илүү өөр зүйлийг эрэлхийлсэн нь энэ аж. Тэд машинаа хажуугийн хоёр дугуйн дээр нь явуулаад зогсохгүй хоёрхон дугуйн дээрээ явж байгаа машиныхаа орой дээр зогсох тэр ч бүү хэл явж байгаа машиныхаа дугуйг солих гэх мэт зүрх амаар гарам үйлдлүүд үзүүлэх болжээ. Жолооч нарын хувьд машинаа хоёр дугуйн дээр нь тэнцүүлэхийн тулд эхлээд налуу байгууламж ашигладаг бөгөөд цаашлаад өөрийн маневрлах ур чадвараа ашиглан машинаа хажуугийн хоёр дугуйн дээр нь давхиулдаг байна.