Баянгол дүүргийн XVIII хорооны нутагт байрлалтай 18,18 А, 67 дугаар байрны оршин суугчдын төлөөлөл болон, "Олон нийт-Иргэний хяналт" ТББ-аас өчигдөр мэдээлэл хийлээ. "Монгени" цогцолбор сургуулийн орчим дахь нийтийн эзэмшлийн талбайд Сонгинохайрхан дүүргийн иргэн Б.Амгалан барилга барина хэмээн гурван сүүдрэвч, усан оргилуур, цэцгийн мандлыг нь сүйтгэн 14 сая төгрөгийн хохирол учруулжээ.