Манай улсын 127 хүнсний үйлдвэр транс тостой бүтээгдэхүүн үйлдвэрлэж, жилд 2749 тонн транс тос импортолж хүнсэнд хэрэглэж байна. Зохиомлоор гаргаж авсан буюу транс тос нь үргүйдэл, Алцхаймерийн болон зүрх судасны өвчин, чихрийн шижин, зарим төрлийн хавдар зэрэг олон өвчлөлийн эх үүсвэр болдог. Үүнээс гадна транс өөх нь хүүхдийн хөгжилд ч сөргөөр нөлөөлдөг. Энэ төрлийн тос жигнэмэг болон пиченьд хамгийн ихээр агуулагддаг аж.