Uvertura хамтлаг “ЖАМААС…” дуугаа дүрсжүүлжээ…

… Нартад хоёрхон үнэн байдаг болохоор

ирж мэндлэх, буцаж төгсөх тавилантай шүү

Хоёрхон үнэн байдаг жамаас зугтах гээд яах вэ?

Үнэнд сөгдөж, сайханд ойрхон явъя даа…             хэмээн гарцаагүй үнэнг дуулсан хамтлаг бол “Uvertura” юм.  “Өнө мөнх орон”, “Дөрвөн цагийн тал”, “Халуун элгэн нутаг” зэрэг хит дуугаараа та бидний сонорыг мялаасан тус хамтлаг ээлжит бүтээлээ буюу “Жамаас…” дуугаа дүрсжүүлсэн байна.  ”Удиртгал” цомогт багтсан уг дууны үгийг  Төрийн шагналт, МУГЖ Д.Сосорбарам, аяыг МУГЖ та бидэнд Том Жагаа нэрээрээ танигдсан н.Жаргалсайхан  хийжээ. Харин хөгжийн найруулгыг тус хамтлагийн продюссер, “Анир” студийн захирал хөгжмийн найруулагч, СТА Б.Алтанхуяг хийжээ.

Харин клипний ажлыг “Анд” энтертайнмент хийж байгаа . Шинэлэг содон өнгө аясыг бүтээл болгоноороо илэрхийлж чаддаг тус хамтлагийн “Жамаас…” дуу ч мөн  өвөрмөц болсон байгаа.  Тухайлбал клипний бүжигт  “Улаанбаатар”  чуулгын хамт олон бүрэн бүрэлдэхүүнээр оролцож, өнгө нэмсэн юм. Бүжгийн дэглэлтийг тус чуулгын бүжиг ангийн дарга, бүжиг дэглээч н.Энхгэрэл, тайз заслыг А.Аюушжав хийсэн байна.

Дашрамд дуулгахад тус хамтлаг ардын урлагийн этник  “Хөсөгтөн” хамтлагтай бүтээл туурвиж байгаа гэнэ.  Тэрхүү бүтээлийг гарсан даруйд нь бид хүргэх болно.