Монгол Улсын 2013 оны оюутны аварга шалгаруулах бүстэй барилдааны тэмцээн

Монголын бүстэй барилдааны холбоо, Монголын оюутны спортын холбоо хамтран Монгол Улсын 2013 оны оюутны аварга шалгаруулах бүстэй барилдааны тэмцээнийг  3 дугаар сарын 18-ны өдөр Спортын бэлтгэлийн төвийн зааланд зохион байгуулах гэж байна.

Тус тэмцээнд 20 их, дээд сургуулийн эмэгтэй 37, эрэгтэй 158, нийт 195 тамирчид оролцохоор мэдүүлэгээ өгөөд байна. Энэхүү тэмцээн нь  ОХУ-д болох “Казан 2013” Дэлхийн оюутны зуны спортын 27-р их наадамд оролцох  баг тамирчдыг сонгон шалгаруулах чухал ач холбогдолтой тэмцээн юм.