Дулааны шугамын хоолойноос цогцос олдсон байна

Хан-Уул дүүргийн III хороо буюу ТЭЦ-З-ын ойролцоох дулааны шугамын хоолойноос эрэгтэй хүний цогцос олдсон дуудлага иржээ. Онцгой байдлын аврагчид цогцсыг гарган, дүүргийн цагдаагийн хэлтэст шилжүүлсэн байна. Хан-Уул дүүргийн цагдаагийнхан цогцсыг танихаар ажиллаж эхэлжээ.

Хүйтний улиралд хөлдөх, унаж бэртэн амь насаа алдах тохиолдол нэг бус удаа гарч байгаа тул иргэдийг сонор сэрэмжтэй байхыг НОБЕГ-аас анхааруулж байна.

НИЙСЛЭЛ ТАЙМС