Энхтайваны гүүрэн дээр гарсан ослын бичлэг

Энхтайваны гүүрэн дээр автомашины осол гарч нэг хүн нас баржээ. Онцгой байдлын газраас өгсөн мэдээллээр энэхүү дуудлага оройн 22.19 цагт ирсэн байна.

Өчигдөр орой 22 цагийн орчим тус гүүрэн дээр зорчиж явсан “Lexus” маркийн автомашин “Isuzu wizard” маркийн автомашинтай мөргөлдөж, осол болсон даруй “Isuzu wizard” шатаж эхэлжээ. Ослын улмаас “Isuzu wizard” маркийн автомашины жолооч газар дээрээ нас барж, “Lexus”-ын жолооч хүнд гэмтэн, эмнэлэгт хүргэгдсэн байна. Замын цагдаагийн газрынхан ослын шалтгааныг тодруулахаар ажиллаж эхэлжээ.

Э.ЭНХ-ЭРДЭНЭ