Нойтон цас орж, цочир хүйтэрнэ

Газар тариалангийн нутаг Булган, Сэлэнгэ, Төв аймгийн нутгаар өнөөдрөөс нойтон цас орж, хүйтрэхийг Ус цаг уурын хүрээлэнгээс онцгойлон анхаарууллаа.

Маргааш баруун болон зүүн зүгийн нутгийн зарим газар, говийн нутгийн зүүн хэсгээр, 3-нд баруун зүгийн нутгаар, 4-нд нутгийн төв хэсгээр, 5-нд баруун зүгийн нутгийн баруун, говийн нутгийн зүүн хэсэг, зүүн зүгийн нутгийн зарим газраар хур тунадастай.

Баасан гаригт салхи Алтайн уулсаар секундэд 12-14 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 4-9 хэм хүйтэн, өдөртөө 5-10 хэм дулаан, говийн бүс нутгаар шөнөдөө 1 хэм хүйтнээс 4 хэм дулаан, өдөртөө 13-18 хэм дулаан, бусад нутгаар шөнөдөө 1-6 хэм хүйтэн, өдөртөө 9-14 хэм дулаан байна гэлээ.