С.Ням-Очир эхний учраагаа яллаа

Будант Албьоны нийслэл Лондон хотноо гурав дахь өдрөө үргэлжилж буй жүдо бөхийн тэмцээний эрэгтэйчүүдийн 73 кг-ын жинд ОУХМ С.Ням-Очир дөнгөж сая эхний барилдаанаа хийж, Германы жүдочийг яллаа. Эхний тойргийн барилдаанд хийлсэн тэрбээр хоёрдугаар тойрогт Германы тамирчин Кристофер Воелкийг вазари, юүко үнэлгээгээр яллаа. Түүний дараагийн өрсөлдөгч нь Украйны жүдоч Владимир Сорока байх юм. Европын АШТ-ий алт, мөнгөн медальт Владимир Сорокатай манай бөх өмнө нь таарч барилдаж байгаагүй юм.

С.ЦЭЛМЭГ