Цэцэрлэгийн багачуудын хичээлийн хэрэгсэлд өөрчлөлт оржээ

Урин дулаан зуны налгар цаг дуусч, цэцэрлэг сургууль эхлэх намар цаг хаяанд иржээ. Мэдээж энэ үед эцэг эхчүүдийн шүдний өвчин болдог гол асуудал бол цэцэрлэгийн хүүхэд багачуудын хичээлийн хэрэгсэл байдаг билээ.

Тэгвэл энэ талаар БСШУ-ны сайдын 2004 оны тушаалаар батлагдсан  “Нэг  хичээлийн жилд цэцэрлэгийн хүүхдийн эцэг эхээс бэлтгүүлэх сургалтын болон ариун цэврийн хэрэгслийн жагсаалт”-ыг энэ жилээс шинэчлэн тогтоохоор болсон байна. Жагсаалтыг шинэчлэх саналыг 21 аймаг, нийслэлийн цэцэрлэгийн багш, арга зүйч, боловсрол соёлын газрын мэргэжилтнүүд гаргасан гэнэ.

Шинэ жагсаалтад тосон харандаа, харандаа үзүүрлэгч зэрэг нэмэгдэж, дэвтэр, скоч зэргийг хассан байна. Жил бүр дээрх жагсаалт маргаан тарьдаг бөгөөд энэ удаагийн шинэчлэлээрээ бүх асуудлыг шийдэх гэнэ.

/www.mminfo.mn/