Баяр наадмын хөтөлбөр батлагдлаа

Их Монгол Улс байгуулагдсаны 806 жил, Ардын хувьсгалын 91 жилийн ойн Үндэсний их баяр наадмын хөтөлбөрийг Үндэсний баяр наадмын зохион байгуулах хорооноос өнөөдөр баталсан байна. Наадмын хөтөлбөрийг бүрэн эхээр нь хүргэж байна.

ҮНДЭСНИЙ ИХ БАЯР НААДАМ, ИХ МОНГОЛ УЛС БАЙГУУЛСНЫ 806 ЖИЛИЙН ОЙ, АРДЫН ХУВЬСГАЛЫН 91 ЖИЛИЙН ОЙН БАЯРЫН ХӨТӨЛБӨР

7 дугаар сарын 7. Бямба
9.00-21.00 Урианхай сурын харваа (Сурын талбайд)

7 дугаар сарын 8. Ням
9. 00-16.00 Буриад сурын харваа (Сурын талбайд)

7 дугаар сарын 9. Даваа
9. 00-19.00 Хүүхдийн сурын харваа (Сурын талбайд)
11.00 Үндэсний их баяр наадам, Их Монгол Улс байгуулсны 806 жилийн ой, Ардын хувьсгалын 91 жилийн ойн баярт зориулсан “Монголын сайхан орноор” уран бүтээлийн үзэсгэлэнгийн нээлт (Монголын Урчуудын Эвлэлийн үзэсгэлэнгийн танхимд)

7 дугаар сарын 10. Мягмар

8.00-10.20 Хязаалан насны морьдын уралдаан (Хүй долоон худагт)
10.00 Шагайн харвааны хэсгийн харваа (Шагайн асарт)
10.30 Үндэсний сурын харвааны нээлтийн ажиллагаа (Сурын талбайд)
10.00-11.00 Төрийн далбааны өдөрт зориулсан хүндэтгэлийн ёслол (Сүхбаатарын талбайд)

12.00-12.30 Эзэн Чингис хааны хөшөөнд хүндэтгэл үзүүлэх, жанжин Д.Сүхбаатарын хөшөөнд цэцэг өргөх ёслол (Сүхбаатарын талбайд)
14.00-16.20 Шүдлэн насны морьдын уралдаан (Хүй долоон худагт)
15.00,18.00 Үндэсний их баяр наадам, Их Монгол Улс байгуулсны 806 жилийн ой, Ардын хувьсгалын 91 жилийн ойн баярын “Цэнгэлийн манлай” хүндэтгэлийн концерт (Нийслэлийн Соёлын төв өргөөнд)

7 дугаар сарын 11. Лхагва

8.00-10.20 Азарганы уралдаан (Хүй долоон худагт)
9.00 Шагайн харвааны хагас шигшээ харваа (Шагайн асарт)
11.00 Төрийн есөн хөлт цагаан тугийг Төв цэнгэлдэх хүрээлэнд залах ёслолын ажиллагаа.
11.10 Үндэсний их баяр наадам, Их Монгол Улс байгуулсны 806 жилийн ой, Ардын Хувьсгалын 91 жилийн ойн баярын ажиллагааг Монгол Улсын Ерөнхийлөгч Цахиагийн Элбэгдорж нээнэ.
11.00 Шагайн харвааны тэмцээний нээлтийн ажиллагаа (Шагайн асарт)
11.20 Yндэсний их баяр наадмын нээлтийн ажиллагаа (тусгай хөтөлбөрөөр явагдана)
11.50-15.00 Хүчит бөхийн барилдааны нэгийн даваа
12.30 Шагайн харвааны хагас шигшээ харваа (Шагайн асарт)

13.30-14.00 Үндэсний сурын нэгдсэн үзүүлэх харваа (Сурын талбайд)
13.30-16.00 Хүүхдийн барилдааны нэгийн даваа
14.00-16.20 Их насны морьдын уралдаан (Хүй долоон худагт)
14.00-17.00 Үндэсний сурын харваа (Сурын талбайд)
15.20-18.00 Хүчит бөхийн барилдааны хоёрын даваа
16.20-18.00 Хүүхдийн барилдааны хоёрын даваа
19.00-23.00 “Улаанбаатарын үдэш” цэнгүүн (Сүхбаатарын талбайд)
23.00 Баяр наадмын ёслолын буудлага

7 дугаар сарын 12. Пүрэв

7.00-9.20 Соёолон насны морьдын уралдаан (Хүй долоон худагт)
9.00-10.40 Хүчит бөхийн барилдааны гурвын даваа
9.00 Шагайн харвааны шигшээ харваа (Шагайн асарт)
9.00-14.00 Сурын харвааны шигшээ харваа (Сурын талбайд)
10.00-11.00 Хүүхдийн барилдааны гурвын даваа
11.00-13.00 Дааганы уралдаан (Хүй долоон худагт)
11.00-12.20 Хүчит бөхийн барилдааны дөрвийн даваа
11.20-12.00 Хүүхдийн барилдааны дөрвийн даваа

13.30. Шагай харвааны харваачдад шагнал гардуулах ёслол (Шагайн асарт)
14.10-14.30 Үндэсний сурын шилдэг харваачдын үзүүлэх харваа (Төв цэнгэлдэх хүрээлэнд)
14.30-15.20 Хүчит бөхийн барилдааны тавын даваа
15.10-16.00 Хүүхдийн барилдааны тавын даваа
15.20-15.30 Монгол Улсын Ерөнхийлөгч Цахиагийн Элбэгдорж сур, шагайн харваанд түрүүлсэн харваачдад шагнал гардуулна
15.30-16.10 Хүчит бөхийн барилдааны зургаагийн даваа
16.10-16.40 Түрүүлж, айрагдсан морьдын цол дуудаж, шагнал гардуулна.
Монгол Улсын Ерөнхийлөгч Цахиагийн Элбэгдорж хурдан морь унаач хүүхдүүдэд бэлэг гардуулна.

16.40-17.20 Хүчит бөхийн барилдааны долоогийн даваа
16.40-17.10 Хүүхдийн барилдааны зургаагийн даваа
17.25-17.45 Монгол Улсын Ерөнхийлөгч Цахиагийн Элбэгдорж “Начин”, “Харцага” цолны болзол хангасан бөхчүүдэд цол олгож, үнэмлэх, энгэрийн тэмдэг гардуулна.
17.50-18.20 Хүчит бөхийн барилдааны наймын даваа
17.50-18.20 Хүүхдийн барилдааны долоогийн даваа
18.25-18.40 Монгол Улсын Ерөнхийлөгч Цахиагийн Элбэгдорж “Заан” цолны болзол хангасан бөхчүүдэд цол олгож, үнэмлэх, энгэрийн тэмдэг гардуулна
18.45-19.20 Хүчит бөхийн барилдааны есийн даваа

19.30-19.45 Монгол Улсын Ерөнхийлөгч Цахиагийн Элбэгдорж Үндэсний их баяр наадмын хүчит бөхийн барилдаанд түрүүлж, үзүүрлэсэн бөхчүүдэд цол олгож, үнэмлэх, энгэрийн тэмдэг, шагнал гардуулна.
19.50 Үндэсний их баяр наадам, Их Монгол Улс байгуулсны 806 жилийн ой, Ардын Хувьсгалын 91 жилийн ойн баяр наадмын ажиллагааг Монгол Улсын Ерөнхийлөгч Цахиагийн Элбэгдорж хаана.

20.00 Үндэсний их баяр наадмын хаалтын ажиллагаа, Төрийн есөн хөлт цагаан тугийг Төв цэнгэлдэх хүрээлэнгээс Төрийн ордон руу залах ёслол.
/тусгай хөтөлбөрөөр/

УЯАЧДЫН НААДМЫН ХӨТӨЛБӨР
7 дугаар сарын 13. Баасан. Хүй долоон худаг
7.00-9.20 Эрлийз хурдан морьдын дээд нас буюу азарга, их нас, соёолон морьдын уралдаан
11.00-13.00 Эрлийз хурдан морьдын дунд нас буюу шүдлэн, хязаалан морьдын уралдаан
13.00-13.05 Үндэсний их баяр наадмыг зохион байгуулах хорооны дарга, Монгол Улсын Шадар сайд М.Энхболд уяачдын наадмыг нээнэ.

Наадмын нээлтэнд зориулсан урлагийн тоглолт /тусгай хөтөлбөрөөр/

13.20-14.20 Хүчит бөхийн барилдааны нэгийн даваа
14.20-14.30 Үндэсний их баяр наадамд түрүүлсэн, үзүүрлэсэн, шөвгөрсөн бөхчүүдэд бай шагнал, цолны чимэг хүртсэн бөхчүүдэд үнэмлэх гардуулна.
14.00-16.00 Эрлийз хурдан морьдын бага нас буюу дааганы уралдаан
14.30-15.20 Хүчит бөхийн барилдааны хоёрын даваа
15.20-15.30 Урлагийн тоглолт
15.30-16.30 Хүчит бөхийн барилдааны гурав, дөрвийн даваа
16.30-16.40 Урлагийн тоглолт
16.40-17.00 Хүчит бөхийн барилдааны тавын даваа
17.00-17.30 Түрүүлж, айрагдсан морьдын цол дуудаж, шагнал гардуулна.
17.30-18.00 Хүчит бөхийн барилдааны зургаа, долоогийн даваа
18.00-18.10 Хүчит бөхийн барилдаанд түрүүлсэн, үзүүрлэсэн, шөвгөрсөн бөхчүүдэд шагнал гардуулна.
18.10 Хурдан морины салбар хорооны дарга С.Баасанхүү уяачдын наадмыг хаана.

ҮНДЭСНИЙ ИХ БАЯР НААДМЫГ ЗОХИОН БАЙГУУЛАХ ХОРОО