Энхтайваны гүүрийг гурван эгнээ болгоно

Азийн хөгжлийн банкны хөнгөлөлттэй зээлийн санхүүжилтээр Энхтайваны гүүрийг гурван эгнээтэй болгож өргөтгөхөөр болжээ. Гүүрийг өргөтгөх барилгын ажлын зураг төслийг ирэх наймдугаар сараас хийх бөгөөд техник эдийн засгийн үзүүлэлтийг хийж дууссаны дараа ирэх хавраас барилгын ажлыг эхлэх аж.

“Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөр”-ийн хүрээнд Энхтайваны гүүрний өргөтгөлийн ажлыг хийж, тусгай замын автобусны үйлчилгээг нэвтрүүлэн нийт 42.5 км замыг суурилуулахаар төлөвлөсөн байна.