Огноо: 2012/5/28 23:22:42

Ё.Отгонбаяр сайдын хэрэг дарагдаад байгаагийн учир юу вэ

АТГ-д данстай нэр дэвшигчдийн тоонд БСШУ-ны сайд Ё.Отгонбаярын нэр дээгүүр давхиж яваа. Тэрээр ЕБС-ийн багш нарыг зөөврийн компьтерээр хангах 46 сая долларын тендерийг санаатай будлиантуулсан хэрэг нь АТГ-т шалгагдаж мөрдөн байцаалт явагджээ. Өдгөө энэ хэрэг нийслэлийн прокурор дээр дугаар хүлээн дарагдаж байна. Уг нь ийм том хэмжээний тендерийн хэрэг яаж ч бодсон зүгээр өнгөрүүлэх асуудал биш. Ё.Отгонбаяр сайдын хэрэг дарагдаад байгаа нь цаанаа учиртай гэсэн яриа дэгджээ. Сайдтан 1997-2000 оны хооронд “Женко” Х.Баттулгын компанид ерөнхий менежерээр ажиллсан байсныг улс төрийн хүрээнийхэн бүгд мэднэ. Бүр Баянгол зочид буудлын дээд давхарт офислож АН-ынхантай их ойр байсан тул Ё.Отгонбаярыг тэр тал руугаа явах хүн гэж ярилцдаг байжээ. Гэсэн ч 2000 оны сонгуулийн дараа Ё.Отгонбаярын оюутан цагийн найз одоогийн Ерөнхий сайд С.Батболд МАН-д дэд сайд болон дэвшихэд сайд ч дагаад давхичихжээ. Гэхдээ түүнийг “Женко” Х.Баттулгаар дамжуулан АН-тай тогтоосон холбоогоо таслаагүй гэдэг. Тэр нь ч одоо хэрэг болж байгаа бололтой. Хэрвээ Ё.Отгонбаяр сайд сонгуульд ялбал МоАХ-ын талыг баримтлагч гишүүн МАН-д нэгээр нэмэгдэнэ гэсэн таамаг явж байгаа аж.