Монгол, Хятадын бизнес уулзалт болно

МҮХАҮТ-аас энэ сарын 25-нд Монгол, Хятадын бизнес уулзалтыг зохион байгуулахаар болжээ.

Уулзалтад БНХАУ-ын Эрээн хотын дарга тэргүүтэй Өвөрмонголын Ордос хотын томоохон бизнес эрхлэгчид, улсдаа тэргүүлэгч компаниудын удирдлага төлөөлөгчдийн бүрэлдэхүүнд оролцож, манай улсад хүрэлцэн ирэх аж.

Энэхүү арга хэмжээнд бизнесийн тодорхой санал, төсөл, төлөвлөгөөтэй, хамтын ажиллагааны түнш, хөрөнгө оруулагч хайж байгаа аж ахуйн нэгж байгууллагууд оролцож төсөл хөтөлбөрөө танилцуулж болох юм байна.

Түүнчлэн Хятадын талаас уул уурхай, эрчим хүч, зам, барилга, нүүрс, аялал жуулчлал, зочид буудал зэрэг бүхий л салбарт тодорхой төсөл, хөтөлбөр дээр хамтран ажиллахад бэлэн байгаагаа илэрхийлсэн байна.