Цагаан будааны тариалалт үзэсгэлэнт сайхан зургийг бүтээв

“Ирээдүйн төлөө хамтдаа, хөдөө орон нутгийг сэргээн хөгжүүлэхэд анхаарал хандуулъя” сэдэвт 2022 оны Хятад, Монгол хоёр улсын сэтгүүлчдийн хамтарсан цахим сурвалжилгын баг 08-р сарын 29-ний өдөр Залайд хошууны Холбоо суурингийн цагаан будааны ажиглалтын тавцан дээр очиж цагаан будааны тариалалтыг сонирхлоо.

Залайд хошууны Холбоо суурингийн Бао Гүмяо тосгоны Хянган багийн хойд тал дахь үзвэрийн тавцан нь ихэвчлэн ган хийцтэй, захын хэсэг нь дуураймал модон өнгөт ган хүрээ, зэврэлтээс хамгаалах модон тавцантай юм. Төмөр хашлага, дарагдсан шилээс бүрдсэн үзэгчдийн тавцан нь унадаг дугуйн замтай бөгөөд өөр өөр чиглэлд гурван давхарт хуваагддаг. Үүний дотор нэгдүгээр давхар нь 4 метр, хоёрдугаар давхар нь 8 метр, гуравдугаар давхар нь 15.4 метр өндөртэй юм. Давхар бүрээс тариалангийн талбай, будаа тариаг өөр өөр өнцгөөс харах боломжтой юм.

Үзэгчдийн тавцангийн хоёр талд 3D будаа тарианы зургууд салхины аясаар хөдөлж, “Хянган аймгийн будаа”, “Залайдын амт” зэрэг сайхан зургийг бүтээж байна.