Өнөөдрийн тухай таны мэдэх ёстой 11 зүйл: Монгол туургатан оддын теле тоглолт болно

Өнөөдөр гадаа 22 хэм хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

12 дугаар сарын 30-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 364 дахь өдөр бөгөөд он дуусахад 1 хоног үлдлээ.
2. Цаг агаар өдөртөө -22 хэмийн хүйтэн бол шөнөдөө -33 градус хүйтэн байх нь ээ.
3. Билгийн тооллын 16, Хэрцгий охин одтой, улаагчин хонь өдөр. Өдрийн наран 8 цаг 42 минутад мандан, 17 цаг 08 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой.
4. “Найман шарга” валют арилжааны төвд ам.долларын авах ханш 2,849.00 төгрөг, зарах нь 2852.00 төгрөг байна. Харин рублийн авах ханш 37.00, зарах ханш 38.50, юанийн авах ханш 435.50, зарах ханш 437.00, вонийн авах ханш 2.55, зарах ханш 2.59 төгрөг байна.

Өнөөдөр болох онцлох үйл явдлууд: 

1. 11:00 цагт Эрүүл мэндийн яамнаас коронавируст халдварын нөхцөл байдлын талаар мэдээлнэ.
2. 18:00 цагт Хүүхдийн төлөө фондын хөрөнгө хуримтлуулах Монгол туургатан оддын теле тоглолт болно. Тоглолтыг МҮОНТ, UBS, V Television, TV5 Mongolia, TV9 Mongolia, ETV HD, NTV, С1 Telеvision, TV8 Mongolia, Star TV Mongolia, Edutainment TV, SBN tv, TMTV-ээр шууд дамжуулна.

Энэ өдөр дэлхийн түүхэнд: 

1. 1460 оны энэ өдөр Йоркийн гүн Сарнайн дайны үеэр алагджээ. Улмаар түүний армийг зургадугаар Хенри хаан Вейкфилдийн хөрсөн дээр бут цохив.
2. 1703 оны энэ өдөр Токио хотод 8.2 магнитудын газар хөдлөлт болж, 37,000 хүн амиа алдав.
3. 1906 оны энэ өдөр Дакка хотод Бүх энэтхэгийн исламын шашинтнуудын нэгдэл байгуулагджээ. Тус нэгдэл нь одоогийн Пакистан улс байгуулагдахад томоохон түлхэц болсон гэдэг.
4. 1922 оны энэ өдөр Москвагийн Большой театрт Украйн, Беларусь, Транскавказын удирдагчид ЗХУ-д нэгдэх тунхаг бичигт гарын үсэг зурав. Ингэснээр дээрх улсууд ЗХУ-ын бүрэлдэхүүнд албан ёсоор нэгдсэн юм.
5. 1924 оны энэ өдөр алдарт астрономич Эдвин Хаббл Америкийн одон орон судлалын нийгэмлэгийн хурлын үеэр манай сансрын уудамд нэг бус олон тооны галактик оршин байдгийг мэдэгдэв. Түүний ийн ярьсан нь хожим нь судалгаагаар батлагдсан юм.