Ээлж солих 4200 уурхайчныг тусгай цэгт шинжилгээнд хамруулна

Засгийн газрын өнөөдрийн шийдвэрээр 12 дугаар сарын нэгнээс Бүх нийтийн бэлэн байдлын зэргийг хэсэгчилсэн бэлэн байдлын зэрэгт шилжүүлэхээр болов. Улаанбаатар хот, Сэлэнгэ аймаг, Архангай аймагт Бүх нийтийн бэлэн байдлын хөл хорио 12 дугаар сарын 11-нийг хүртэл үргэлжлэхээр болж байгаа аж. Бусад аймгийн хувьд хөл хорио суларч байна.

Үүнтэй холбогдуулан уул уурхайн салбарт ээлж солих ажиллагааг хэрхэн зохион байгуулах талаар УОК-ийн дарга, Шадар сайд Я.Содбаатар мэдээлэл өгсөн юм.

“Одоо ээлжинд ажиллаж байгаа хүмүүс 21-35 хоног болж байгаа. Уул уурхайн компаниудын 4200 гаруй хүн ээлж солих шаардлагатай байгаа. Тэдгээрт зориулж тусад нь шинжилгээ авах цэг байгуулж байна. Бүгдийг нь PCR шинжилгээнд хамруулна. ААН-үүдийн хуваарь гаргах ажил УУХҮЯ дээр байна. Одоо явах хүмүүсийн ээлжийг 21 хоног болгож байна. Уул уурхайн компаниуд дэмжлэг үзүүлж, PCR шинжилгээний аппарат, шинжилгээний урвалж авах, түргэвчилсэн шинжилгээний оношлуур авахад хамтарч аижиллаж байна” хэмээн Шадар сайд Я.Содбаатар мэдээллээ.