Оросын холбооны шүүхийн ерөнхий газрын хэлтсийн дарга асан шүүх танхимд амиа хорложээ

Холбооны Шүүхийн ерөнхий газрын (ФСИН) хэлтсийн дарга асан Виктор Свиридов лхагва гаригт Чертановскийн дүүргийн шүүх дээр амиа хорложээ. Энэ мэдээллийг шүүхээс баталгаажуулжээ. Свиридовыг ФСИН -ийн орлогч захирал асан Александр Сапожниковоос арван сая рубль авсан хэрэгт буруутгасан аж.

Мөрдөн байцаалтын явцад Свиридовад цагдан хорих таслан сэргийлэх арга хэмжээг сонгожээ. Өвчин нь хүндэрч, хорт хавдрын 4-р үед орсон ч гэсэн лхагва гарагт шүүгч шүүгдэгчийг буруутай гэж үзэн гурван жилийн хорих ял оноосон юм.

Шийтгэх тогтоол гарсны дараа Свиридовыг шүүхийн танхимд цагдан хорьж цагдан хорих төв рүү явуулах ёстой байв. Гэвч шүүхийн шийдвэрийг сонсоод тэр хүн даруй амиа хорлох оролдлого хийсэн байна. Эмч нарын ярьснаар тэр дараа нь нас баржээ.

Одоогийн байдлаар хууль сахиулах байгууллагууд шүүгдэгч шүүхийн байранд зэвсэг оруулсныг олж тогтоосон ба гэхдээ хэрхэн яаж оруулсан нь одоогоор тодорхойгүй байна. Урьдчилсан мэдээгээр яллагдагч шүүхэд ирэхдээ шагналын гар буугаа авч явжээ. Ойрын үед ОХУ-ын Мөрдөн байцаах хороо болсон үйл явдлын баримтуудыг шалгаж эхлэх аж.

ОХУ-ын Холбооны шийтгэх албаны дэд захирал асан Александр Сапожников цагдаад мэдүүлэг өгсөн гэж өмнө нь мэдээлж байсан. Түүний хэлснээр шоронгийн ажилтнуудын нэг нь түүнээс арван сая рубль авсан байна. Ингээд түүнийг нь хууль сахиулах байгууллагад аваачиж өгч, Сапожниковын талаарх нотлох баримтуудыг хэвлэл мэдээллийн хэрэгслээр нийтлэх болно гэж сүрдүүлжээ.

Gereg.mn