Дэлхий наранд хамгийн бага зайд ойртжээ

Ням гарагт манай гараг тойрог замынхаа Наранд хамгийн ойр цэгт хүрчээ. Энэ үед огторгуйн дурангаар харвал нарны дүгэрэг дэлхий нарнаас хамгийн хол зайд байдаг долдугаар сарынхаас гурван хувиар томорч харагддаг гэнэ.

Жилд ганцхан удаа буюу нэгдүгээр сарын эхээр ийн ойртдог бөгөөд энэ үед дэлхий, нар хоёрын хоорондын зай 147 сая км болдог байна. Харин хамгийн хол үедээ 152 гаруй сая км зайтай байдаг ажээ.