Улаанбаатарт бага зэргийн цастай 21 хэм хүйтэн

Улаанбаатарт үүлшинэ, бага зэргийн цас орно. Салхи хойноос секундэд 7-12 метр, зөөлөн цасан шуурга шуурна. 20-22 градус хүйтэн байна. Өглөө 05 цагийн байдлаар 28 градус хүйтэн, харьцангуй чийг 79 хувь, агаарын даралт 866 гектопаскаль байна. Даралт өдөртөө тогтвортой байна.

Ихэнх нутгаар үүлшинэ. Төв болон зүүн аймгуудын зарим нутгаар бага зэргийн цас орно. Салхи хойноос секундэд 7-12 метр, Алтайн салбар уулс болон говь талын нутгаар салхи түр зуур секундэд 16 метр хүрч ширүүснэ.

Увс нуур, Дархадын хотгор, Идэр, Тэс голын хөндийгөөр 29-34 градус, Хангай, Хөвсгөлийн уулархаг нутаг, Орхон, Сэлэнгэ, Хараа, Ерөө, Туул голын сав газраар 20-25 градус, Алтайн өвөр говь болон говийн нутгийн өмнөд хэсгээр 10-15 градус, бусад нутгаар 16-21 градус хүйтэн байна.