Ховд аймаг дахь Гянтболдын далд уурхайн үйл ажиллагааг түр хугацаагаар зогсоожээ

Ховд аймгийн Мэргэжлийн хяналтын газраас Алтай, Мөст сумын нутагт үйл ажиллагаа явуулж байгаа “Талст молор”, “Булган стар” компаниудын далд уурхайн үйл ажиллагаанд Байгаль орчин, Геолгоги уул уурхай, хөдөлмөр, нийгмийн хамгааллын хяналтын чиглэлээр төлөвлөгөөт хяналт шалгалт хийжээ.

Шалгалтаар “Талст молор” ХХК-ий эзэмшдэг MV-20930 тоот ашиглалтын тусгай зөвшөөрөлтэй Гянтболдын далд уурхайд “уурхайг байнгын ашиглалтад хүлээж авах улсын комисс” ажиллуулаагүй нь нотлогджээ.

Тиймээс улсын байцаагчийн актаар зөрчлийг арилгах хүртэл түр хугацаагаар үйл ажиллагааг нь зогсоосон байна.

Мөст сумд үйл ажиллагаа явуулж байгаа “Булган стар” ХХК-д илэрсэн зөрчил дутагдлыг арилгуулахаар улсын байцаагчдын албан шаардлага хүргүүлжээ.

Эх сурвалж: МХЕГ