“Тохой мултравч ханцуй дотроо”

Манайхан шиг хамаг шившгээ дэлгээд дуусаж байгаа орон улс цөөн дөө. Муу муухай юм бүх улс оронд бий.Хаахгүй хэлэх юм ч бий. Муу муухайгийн жишиг орон болох нь ээ. Дэлхий даяар савж унамаар муу муухай мэдээ тархаж байна. 2016 онд Вашингтоны гаальд монголын хоёр эмэгтэй “Азарганы бэлэг эрхтэн” хилээр гаргах гэж байгаад баригдаж шоронд хоригдлоо гэж Америкийн том сонин мэдээллийн хэрэгсэл дор нь шүүрч авч байсан.

“Тийм үү? гэж хэрэгт дуртай юмд хэлэхэд, хэчнээн тайлбарлаад нэмэргүй бололтой юм билээ. Ичгүүртэй байсан. Юуных нь бэлэг эрхтэн байхав…адууны гитай ч юмуу, умс л байсан байлгүй. Саяхан Эрүүл мэндийн сайд “Тэмбүү өвчний хоёр дахь хувьсгалыг эхлүүлье” гэж орон даяар сүржин зарлалаа.

Сайдын санаа зовдог зөв. Аргаа ядсан хэрэг. Дундад зууны өвчин ингэж тархах энэ үндэстнийг сүйрлийн хэмжээнд хүргэж ч болох хэрэг. Гэхдээ энэ асуудлыг Үндэсний Аюулгүйн Зөвлөлөөр хэлэлцээд ямар аргаар яаж мэдээлэх, яаж хандах вэ? юу хийх вэ? гэдгийг ярьмаар юм.

“Тохой мултравч ханцуй дотроо” гэхчээр заримыг “хар хайрагцны бодлогоор нууж болмоор. Одоо монгол хүн бүрийг сэжиглэж, зэвүүрхэж харна. Нэрний хувьд кодолж бас болмоор…”ТЭ -XXI” гэх ч юмуу. Тэмбүүг XX зуунд устгасан ,одоо бас анхаарах боллоо гэдэг утгаар…”Төрийн ажлыг чимээгүй хийдэг юм” гэж нэг тулхтай том хүн хэлж байсан.

Одоо бол хойно хойноосоо уралдаад л, өрсөлдөөд л, хошуураад л чанга чанга хашгираад гүйлддэг болж…Хуультай орон гэж байдаг бол бас нууцтай орон байх ёстой бус уу?

До.Цэнджав