Дөрвөн настай хүүг зодож бэртээсэн хойд эцгийг шүүх хурлын тов гарчээ

Өнгөрсөн дөрөвдүгээр сард дөрвөн настай болон зургаан настай хоёр хүүг гурав хоног зодож, биед нь хүнд гэмтэл учруулсан гэх хойд эцгийн талаарх мэдээлэл чих дэлссэн билээ. Улмаар гэмтэл авсан хүү ГССҮТ-д олон удаагийн хагалгаанд орсон.

Тодруулбал, Баянгол дүүргийн эрүүгийн хэргийн анхан шатны шүүхэд тус дүүргийн прокурорын газраас хойд эцэг Б.Тодзаяад холбогдуулан яллах дүгнэлт үйлдэн ирүүлсэн эрүүгийн хэргийг шүүх хуралдаан энэ сарын 29-ний өдрийн 10.00 цагт шүүх хуралдаан товлогдсон байна.
Б.Тодзаяагийн хувьд цагдан хоригдож байгаа бөгөөд зодуулсан хоёр хүү, ээжид нь сайн санаат хүмүүс хандивын аян зохион байгуулж байранд оруулсан байгаа билээ.