Багшийн хөгжлийн ордны В1 давхрын лифтний хөндийд гал гарчээ

Багшийн хөгжлийн ордонд гал гарсан гэх дуудлага өчигдөр Нийслэлийн онцгой байдлын газарт иржээ.

Галын шалтгааныг Нийслэлийн онцгой байдлын газраас тодруулахад “Өдөр 12 цаг 57 минутанд  гал гарсан гэх дуудлага ирсэн. Нийслэлийн гал унтраах албаны ажилтнууд шуурхай ажиллаж  галыг унтраасан. Гал Багшийн хөгжлийн ордны В1 давхрын лифтний хөндийд гарсан байсан. Нарийн шалтгааныг тогтоохоор ажиллаж байна. Мөн арван хүнийг утаажилтийн бүсээс гаргаж найман хүнийг нь 103-т хүлээлгэн өгсөн ба эмнэлэгт очсон иргэдийн биеийн байдал сайн байгаа” гэлээ.