Генсекийн хобби

АН-ын генсек Д.Эрдэнэбат уран зурагт нугасгүй гэнэ. Тэр ч утгаараа багахан шүиг музейн эрхлэгч атаархам баялаг цуглуулгатай гэх юм билээ.

Даргархаад байдаггүй, ихээ эгэл хүмүүн хэмээн олонд үнэлэгддэг ч баргийн хүн ойлгодоггүй уран зурагт тэрбээр нүдээ ухаад өгөхөөс ч буцдаггүй гэж намынх нь нөхөд хэлэлцдэг. Гэхдээ түүний цуглуулга бусдынхаас нэг л өөр. Өөрөөр хэлбэл мань эр зөвхөн Монгол уран бүтээлчдийн зургийг л цуглуулдаг.

Түүнээс чухам яагаад Монгол зураачдын бүтээлийг онцолдог юм бэ гэж асуухаар сэтгэлд ойр буудаг юм. Стресдсэн үед эм ч болдог гэж хариулдаг. Хөрөг, байгаль гээд өргөн хүрээг хамарсан сэдэвтэй зургийн цуглуулгаараа тэрбээр харин ч нэг омгорхдог юм билээ.

Сайн ааш нь хөдөлсөн үед хайртай зурагнуудынхаа түүхийг яриад хэдэн цаг ч суусан чаддаг гэх. Түүгээр ч барахгүй ажлынхаа өрөөг тохижуулахдаа хүртэл хувийн чамин цуглуулгынхаа сорыг авчраад ханаа чимчихдэг нь урлагын торгон мэдрэмжтэй зарим нэг хүний цагаахан атаархлыг чамгүй хөдөлгөдөг гэсэн шүү.