ХАМТАРСАН ЦЭРГИЙН СУРГУУЛИЛТЫН НЭРИЙГ СОЛЬЖЭЭ

АНУ, Өмнөл Солонгос хамтарч жил бүр явуулдаг цэргийн “Key Resolve”, “Foal Eagle” сургуулилтынхаа нэрийг өөрчлөхөөр болжээ. Энэ талаар “Ёнхап” агентлаг цэргийн эх сурвалжаас эш татан мэдээлжээ.
Хамтарсан сургуулилтын нэрийг холбоотон гэсэн утгатай “Dong Maeng” гэж нэрлэхээр болсон байна. Энэ нь хавар хийдэг байсан сургуулилтын дасгалыг өөрчилсөнтэй холбоотой юм байна. Түүнчлэн Солонгост болох энэ удаагийн сургуулилтаар стратеги, цэргийн ерөнхий үйл ажиллагааны тактикт анхаарна гэж хоёр орны хамтарсан цэргийн удирдлага гаргасан мэдэгдэлдээ дурьджээ. Цэргийнхэн энэ ажиллагаа нь хоёр орны зэвсэгт хүчний бэлтгэлийн түвшинг хадгалах, туршихад чухал болохыг онцолж байгаа юм. АНУ-ын Батлан хамгаалахын сайд асан Жеймс Маттис “1997 оноос хойш хамтран хийж ирсэн хоёр орны хамтын сургуулилтын цар хүрээг Хойд Солонгосыг цөмийн зэвсэггүй бүс нутаг  болгохын тулд багасгана” гэж мэдэгдэж байжээ. Учир нь Пхеньян олон удаа энэ хоёр орны хамтарсан цэргийн сургуулилтын улмаас аюулгүй байдалдаа санаа зовж байгаагаа илэрхийлж байсан юм.

“Зууны мэдээ” сонин