КАДАСТРЫН ХЭЛТСИЙН ДАРГА Д.ДАШЗЭВЭГ АХДАА ВОЛЬФРАМЫН ОРД БЭЛЭГЛЭЖЭЭ

Зах зээл дээр нэг кг вольфрам буюу гянтболд 24-28 мянган төгрөг хүрч эрэлт нэмэгдэхийн хэрээр Ашигт малтмал, Газрын тосны газар дээр тусгай зөвшөөрөл хүссэн олон тооны өргөдөл, хүсэлт ирсэн байна. Тухайлбал Хэнтий аймгийн Жаргалтхаан сумын нутаг дахь вольфрамын томоохон ордын илрэц дээр таван компани сонгон шалгаруулалтанд орох хүсэлт гаргажээ.

Ингээд таван компани өрсөлдсөн бөгөөд хамгийн магадлал багатай, уул уурхайн түүх гэхээр зүйлгүй “Гүүд кестл” компани ялалт байгуулжээ. “Гүүд кестл” компани сайндаа ч биш Ашигт малтмал, Газрын тосны газрын Кадастрын хэлтсийн дарга Д.Дашзэвэг хүчин чармайлалтаар ялалт байгуулжээ.

Д.Дашзэвэг нь “Гүүд кестл” компанийн захирал Тагарваагийн Эрдэнэбулганы дүү юмсанж. (Өдгөө “Гүүд кестл” компани нь “Мета Менежмент” болгон нэрээ өөрчилсөн байх юм)
Хүүхэн хутагт О.Тагарваа агсны өргөмөл хүү нь Кадастрын хэлтсийн дарга Д.Дашзэвэг бөгөөд ахдаа орд газар бэлэглэж орхижээ. Энэ талаар сонгон шалгаруулалтанд өрсөлдсөн “Бажа Азиа Монголиа“, “Зая Кристал” компаниуд “Дүү нь ахдаа вольфрамын орд бэлэглэлээ” хэмээн хэл ам гарган Уул уурхай, Хүнд үйлдвэрийн яам, АТГ-т гомдол гаргасан байна.

Тэдний гаргасан гомдлын мөрөөр АТГ-аас Ашигт малтмал, Газрын тосны газрын Кадастрын хэлтсийн дарга Д.Дашзэвэгт хэрэг үүсгэн шалгаж байгаа юм.
Д.Дашзэвэг нь Хамрын хийдийн ойролцоо хятадууд алт ухахыг дэмжин ярилцлага өгч байсан нэгэн агаад хууль бус сонгон шалгаруулалт, авлигад нэр нь дурьдагддаг ч хууль хяналтын байгууллагыг аргалаад сурчихжээ. Уул уурхай дагасан авлига, гэмт хэргийг таслан зогсоохын тулд энэ мэт этгээдүүдээс салж гэмээнэ зөв голдрилдоо орох биз ээ.

Эх сурвалж: todmedee.mn