Хүн амины хэрэгт холбоотой Оросын парламентын гишүүнийг чуулганы танхимаас баривчилжээ

Өчигдөр Оросын хууль сахиулагчид парламентын ордонд баривчлах ажиллагаа явуулж, тус улсын хамгийн залуу хууль тогтоогч Рауф Арашуковыг баривчилсан нь урьд өмнө тохиолдож байгаагүй үзэгдэл байв.

32 настай Арашуков чуулганы танхимаас зугтах гэж оролдсон ч парламентын спикер суудалдаа суухыг тушааж, тэрээр үгэнд нь орсон талаар гэрчүүд мэдээлжээ.

Гартаа гавтай Арашуковыг сүүлд байцаах үеэр орос хэл мэдэхгүй гэж хэлээд орчуулагч шаардаж тэнд байсан хүмүүсийг гайхшруулсан байна.

Умард Кавказын бүс нутгийг төлөөлдөг парламентын гишүүнийг аллага, авлига, сүрдүүлгийн гээд хэд хэдэн хэрэгт сэжиглэж байгаа гэнэ.

Өчигдөр Орос даяар түүнтэй холбоотой баривчлах ажиллагаа эхэлсэн байна. Тухайлбал Арашуковын эцэг, хийн бизнесийн магнат Раул Арашуковыг $450 саяын өмч хөрөнгө шамшигдуулсан хэрэгт сэжиглэн Санкт Петрбург хотоос баривчилжээ.

Залуу Арашуков 2010 оны тавдугаар сард өөрийн төрөлх Карачай-Черкесст улс төрчийн амь насыг захиалж хөнөөлгөсөн гэгдэж байна. Өнгөрсөн оны наймдугаар сард алуурчдын нэг баригдаж, мэдүүлэг өгснөөр Арашуковыг сэжиглэж эхэлсэн тухай эх сурвалжууд мэдээлжээ.

Эх сурвалж: Russia Today

https://ikon.mn/n/1hr7