Ж.Бат-Эрдэнэ гишүүн сайн малчдадаа монгол банхар бэлэглэжээ

УИХ-ын гишүүд сар шинийн баяр угтан тойрогтоо хэвийн боов, цай, зурагт хуудас тараагаад завгүй байна. Тухайлбал, ЗГХЭГ-ын дарга Г.Занданшатар хэвийн боов, өөрийн зурагтай хуанли, даралтны аппарат тарааж байгаа бол Булган аймгаас сонгогдсон Ж.Бат-Эрдэнэ гишүүн энэ жил түшээдийн нийтлэг бэлэгнээс татгалзжээ.

Тэрээр улсын сайн малчдынхаа хотыг манах монгол банхар бэлэглэж байгаа аж. Ж.Бат-Эрдэнэ гишүүн энэхүү өвөрмөц бэлэгнийхээ утга учрыг гэрчилгээжсэн, үзлэг шинжилгээнд орсон цэвэр цусны эр гөлгийг сайн малчиддаа ашдын билэгдэл, сайн нөхөр, хоточ банхар болгон өгч байгаа гэж тайлбарлаж байгаа гэнэ.

shuurhai.mn