Тэгш тоогоор төгссөн улсын дугаартай автомашиныг хөдөлгөөнд оролцуулна

Сар шинийн баярын өмнөх амралтын өдрүүдэд тээврийн хэрэгслийн дугаар нь тэгш, сондгой тоогоор төгссөнөөс хамаарч замын хөдөлгөөнд оролцоно.

Тодруулбал, өнөөдөр болон ирэх бямба гарагт сондгой,маргааш, ирэх ням гарагт тэгш тоогоор төгссөн улсын дугаартай тээврийн хэрэгслийн хөдөлгөөнийг хязгаарлах аж.

Дугаарын хязгаарлалтад орсон улсын дугаартай тээврийн хэрэгсэл тухайн өдрийн 10.00-20.00 цагийн хооронд хориглосон замаар зорчихгүй байхыг Тээврийн цагдаагийн албанаас анхаарууллаа.

Мөн Чингэлтэй дүүргийн нутаг дэвсгэрт нэгдүгээр сарын 26, 27, хоёрдугаар сарын 2, 3-ны өдрүүдэд “Дэнжийн 1000” авто замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Чингэлтэйн өргөн чөлөөтэй нийлэх уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулах юм байна.