Б.Анужин моделийн чадвараараа ялагч болсон гэнэ үү

MNTM нэвтрүүлгийн хоёрдугаар улирал олны хэл ам, шүүмжлэл дунд болж ѳнгѳрлѳѳ. Энэхүү шоуны шилдэг оролцогчдын нэг Ч.Чамин-Эрдэнэ харамсалтайгаар амиа алдсан. Түүний хэргийн үнэн мѳн ѳнѳѳг хүртэл тодорхойгүй байгаа учраас олон нийт бухимдалтай байгаа юм. Тэгвэл тус шоуны оролцогч Э.Одонтунгалагийн ээж талийгаачийн ѳмнѳ маанийн ерѳѳл тавьсан нь одоо ч хүмүүсийн эгдүүцлийг хүргэсээр байна. Шүүгч нар нь Э.Одонтунгалагийг илт дэмжиж байгаа нь мэдрэгдэж байсан учраас түүнийг энэ шоуны ялагч болбол олон нийт ихэд дургүйцэхээр байсныг дурдах нь илүүц биз. Тэгвэл шүүгч нар олон нийтийн шүүмжлэлийг оролцогч Б.Анужин руу чиглүүлэхээр шийдсэн бололтой. Учир нь дугаар бүрт муу зураг авахуулж, идэвхгүй залхуу хэмээн шүүмжлүүлж, зургийн багийнхны хамтран ажилларад хамгийн тѳвѳгтэй хүнээр тодроод байсан Б.Анужин нэвтрүүлгийн ялагчийн шагналыг авсан нь зүгээр л олны хэл амыг дарах гэсэн оролдлого хэмээн хүмүүс үзэж байгаа юм. Тиймдээ ч Б.Анужингийн цахим хуудас дахь постонд дургүйцлээ бичиж үлдээсэн байна билээ. Түүгээр ч зогсохгүй Б.Анужин “Ѳѳрийн хүчээр ялагч боллоо” хэмээн бичиж, постоо хэдэнтээ засч талийгаач бүсгүйн нэрийг дурдсанд мѳн л олон нийт дургүйцлээ илэрхийлжээ. Ийнхүү энэ удаагийн MNTM үзэгчдийн шүүмжлэл дунд болж ѳнгѳрлѳѳ.Эх сурвалж http://www.info.mn