А-80, А-92 шатахууны үнэ өнөөдрөөс литр тутамдаа 100 төгрөгөөр буурна

Шатахууны үнэ өнөөдрөөс литр тутамдаа 100 төгрөгөөр буурах гэнэ. Энэ талаар өчигдөр Засгийн газрын Хэвлэл мэдээллийн албанаас мэдэгдсэн юм. Учир нь Монгол Улсын сайд ЗГХЭГ-ын дарга Г.Занданшатар өчигдөр АМГТГ-ын Газрын тосны асуудал хариуцсан орлогч дарга Ц.Эрдэнэбаяртай уулзжээ. Ингэхдээ ЗГХЭГ, УУХҮЯ-аас өгсөн чиглэлийн дагуу АМГТГ-аас нефть импорлогч компаниудтай зөвшилцөн өнөөдрөөс АИ- 80, АИ-92, дизель түлшний жижиглэнгийн үнийг  литр тутамд  100 төгрөгөөр бууруулахаар болсныг мэдэгдсэ байна.

 Дэлхийн  зах зээл дээрхи түүхий тосны үнэ, Монгол Улсад хилээр орж ирж байгаа импортын нефтийн бүтээгдэхүүний үнэ өмнөх сараас тус тус  буурч байгаатай холбогдуулан  энэхүү шийдвэрийг гаргасан байна. 2018 оны 12 дугаар сараас эхлэн шатахууны үнийг бууруулах талаар импортлогч компаниудтай зөвшилцөн жижиглэнгийн үнийг  шат дараатай бууруулж , өргөн хэрэглээний бензин, түлшний үнийг ийнхүү  литр тутамд нийт 250 төгрөгөөр хямдруулаад байна.

Б.Аз