Сайнцагаан суманд гахайн мялзан өвчин гарч, хорио цээр тогтоолоо

Дундговь аймгийн Сайнцагаан суманд гахайн мялзан өвчин гарч, хорио цээрийн дэглэм тогтоожээ. Тус сумын Мандал багийн нутагт оршин суудаг иргэн Г-гийн гахайнд мал, амьтны гоц халдварт мялзан өвчний шинж тэмдэг илэрч, УМЭАЦТЛ-ийн шинжилгээгээр онош нь баталгаажсан байна. Тиймээс сумын Засаг даргын захирамжаар 14 хоногийн хугацаатай хорио цээрийн дэглэм тогтоож, гарал үүсэл нь тодорхойгүй гахайн түүхий өөх, махыг нийтийн хэрэгцээнд худалдан борлуулах, хүнсэнд хэрэглэхийг хоригложээ.

Гахайн мялзан өвчин нь хавьтлын замаар халдварладаг, өндөр халуурал, цус төлжүүлэх эрхтний гэмтэл, уушиг, бүдүүн гэдэсний нэвчдэст үрэвсэлээр илэрдэг гоц халдварт өвчин юм.

Х.Хулан