Залуучуудын дэлхийн аварга Б.Тэгшбаяр тэргүүтэй дугуйчид Азийн АШТ-д оролцоно

Индонез улсын нийслэл Жакарта хотноо Дугуйн Ази тивийн аварга шалгаруулах 39 дэх удаагийн тэмцээн зохион байгуулагдах гэж байна. Нэгдүгээр сарын 10-13-ны хооронд уг тэмцээнд Ханан тойргийн /TRACK/ төрлөөр ЗХ-ний “Алдар” спорт хороо, МДХ-ны шигшээ багийн тамирчин ОУХМ Б. Тэгшбаяр, ОУХМ С. Жамбалжамц нар Монгол улсаа төлөөлөн оролцоно.
Тэмцээний хуваарь Индонез улсын цагаар
• 1-р сарын 10нд 20:00 цагаас “Scratch” буюу бөөн гараанд ОУХМ Б. Тэгшбаяр
• 1-р сарын 11нд 08:00 цагаас “Omnium” буюу олон төрөлт уралдаанд ОУХМ С. Жамбалжамц
• 1-р сарын 12нд 20:00 цагаас “Point race” буюу оноо цуглуулах уралдаанд ОУХМ Б. Тэгшбаяр тус тус уралдана.