Венесуэлийн эсрэг тогтоосон хоригоо АНУ өргөжүүлэв

ВАШИНГТОН. /RT/. АНУ-ын Сангийн яам Венесуэлийн эсрэг тогтоосон хориг арга хэмжээгээ өргөжүүлж, хоригийн жагсаалтад нэмээд долоон хүн, мөн 23 компани болон засгийн газрын нэг нисэх онгоцыг оруулсан байна. Энэ тухай тус яамны цахим хуудсанд мэдээлжээ.

Тухайлбал, Венесуэлийн телевизийн томоохон сувгуудын нэг болох Globovision-ыг хоригийн жагсаалтад оруулсан байна.

АНУ-ын эрх баригчид өнгөрсөн оны есдүгээр сарын эцсээр Николас Мадурогийн гэргий Силия Флорес, Венесуэлийн Батлан хамгаалахын сайд Владимир Падрино Лопес, тус улсын дэд ерөнхийлөгчийн үүрэг гүйцэтгэгч Делси Родригес нарт хориг арга хэмжээ авсан билээ.