Эрэн сурвалжлагдаж байсан 14 хүнийг илрүүлсэн дэд ахлагч Э.Цэлмэгсайхан “Чадварлаг алба хаагч”-аар шалгарчээ

Тээврийн цагдаагийн албанаас санаачлан сар бүр зохион байгуулж буй “Чадварлаг алба хаагч” шалгаруулах ажлын хүрээнд 11 дүгээр сарын чадварлаг алба хаагчаар Сонгинохайрхан дүүрэг дэх Замын цагдаагийн хэлтсийн зохицуулагч, цагдаагийн дэд ахлагч Э.Цэлмэгсайхан шалгарлаа.

Тэрээр энэ сард Цагдаагийн байгууллагын мэдээллийн санд эрэн сурвалжлагдаж байсан 14 хүнийг олж тогтоон харьяа байгууллагуудад шилжүүлжээ.

Мөн гудамж замд хийх хяналт шалгалтын үеэр бусад төрлийн 21 гэмт хэрэг, зөрчлийг илрүүлэн ажилласан байна.