Ардчилсан намыг сонгуульд увайгүй арга хэрэглэхгүй байхыг шаардлаа

Монгол улсын үндсэн хуулиар Монгол Улсын иргэн улсынхаа нутаг дэвсгэрт чөлөөтэй зорчих эрхтэй бөгөөд энэхүү эрх эрх чөлөөг бусдад оногдуулсан байдаг.

Сүхбаатар аймгийн Баруун-Урт суманд Иргэдийн төлөөлөгчдийн хурлын нөхөн сонгууль явагдаж байгаатай холбоотойгоор Ардчилсан нам, намын сонгуулийн штаб өрсөлдөгч намынхаа нэр дэвшигчдийг илт худал, гүтгэн гүжирдэх ажлыг хийж байна. Тодруулбал: 2018 оны 10 сарын 02-ны өдөр аймгийн Монгол Ардын намын дарга Ш.Лхамсүрэнг намын гишүүд, дэмжигчидтэйгээ уулзаж байхад хүч түрэмгийлэн өөрсдийн машинаар явах замыг нь хааж, өөрсдийн камераар түүний зөвшөөрөлгүйгээр дүрс бичлэг хийн илтэд мушгин гуйвуулж олон нийтийн телевиз болон Жамбын Батсуурь гэх фейсбүүкээр архидан согтуурсан мэтээр гүтгэн доромжилж түгээсэн.

Иймд Монгол Улсын хууль дүрмийн чанд баримтлан сонгуульд оролцон бусдын эрх, эрх чөлөөг зөрчсөн ёс бус, хууль бус үйлдэл болон худал мэдээ мэдээллээр сонгох сонгогдох эрхэнд халдсан увайгүй үйлдлээ зогсоохыг Монгол Ардын нам Ардчилсан нам, намын сонгуулийн штабаас шаардаж албан бичиг хүргүүлсэн байна.