40 хэм хүрч хүйтэрнэ

Малчид, ард иргэдэд зориулсан цаг агаарын мэдээгээр өнөөдөр, маргаашдаа ихэнх нутгаар жиндүү хүйтэн хэвээр байна.

Харин 21-нд төвийн нутгаар, 22-нд төв болон зүүн зүгийн нутгийн хойд хэсгээр бага зэргийн цас орно. Бусад хугацаанд цас орохгүй.

Салхи 20-нд зарим газраар, 21-нд зүүн зүгийн нутгаар секундэд 12-14 метр хүрч, цасан шуурга шуурна. Өдөртөө хүйтний эрч бага зэрэг суларч Дархадын хотгор, Идэр, Тэс голын хөндийгөөр шөнөдөө 35-40 хэм, өдөртөө 23-28 хэм, Увс нуурын хотгор, Хараа, Ерөө, Туул, Хэрлэн, Онон, Халх голын сав газраар шөнөдөө 31-36 хэм, өдөртөө 17-22 хэм хүйтэн байна.

Мөн Алтайн өвөр говь болон говийн нутгийн баруун хэсэг, Арвайхээр, Цэцэрлэг, Эрдэнэт орчмоор шөнөдөө 18-23 хэм, өдөртөө 7-12 хэм, бусад нутгаар шөнөдөө 25-30 хэм, өдөртөө 14-19 хэм хүйтэн байна хэмээн Ус цаг уур, орчны шинжилгээний газраас мэдээллээ.

Э.Дулам