Индонезийн солиотой уламжлал
Индонезийн Өмнөд Сулавеси мужийн Тоража тосгоны иргэд эрт үеэс уламжлагдаж ирсэн нэгэн хачирхалтай гэмээр заншлыг өнөө ч мөрдсөн хэвээр байна. Тэд бурхан болоочдоо гурван жилд нэг удаа булшнаас нь гаргаж хувцсыг нь сольж цэвэрлээд амьд хүн шиг харьцаж, хамаг л зовлон жаргалаа ярьдаг гэнэ. Нас барсан төрөл төрөгсдийнхөө хувцсыг солих энэ ёслолд тосгоноороо идэвхтэй оролцдог төдийгүй ингэснээрээ талийгаач гэр бүлийнхэнтэйгээ байнга хамт, дэргэд нь байж өмнөх шигээ тэднийг хайрлаж байгаа гэдгийг нь илэрхийлдэг гэнэ. Харин 100-гаас дээш жилийн өмнө нас барсан хүний шарилыг энэ ёслолд ашигладаггүй юм байна.
Энэ өдөр уйлж гашуудах хориотой. Харин хүн бүр инээж баясаж бурхан болоочдынхоо сүнсийг хөгжөөх ёстой байдаг.
Жилээс жилд энэ этгээд ёслолыг үзэх сонирхолтой жуулчдын тоо өсөж байгаа бөгөөд орон нутгийн захиргаа нь энэ уламжлалт зан үйлээ хийхэд нь иргэддээ бүхий л талаар тусалдаг аж.
URL:
